Mungkin dah nasib kali ye jadi aparat. dimane-mane gampang bener disalahin, padahal kerja dah pade betul nurutin aturan, teuteup ajeee disalahin. Mang enak kalu cuman nyalahin doangan mah. Gw bingung juge ma orang2, knape jadi pade kgk suka ma aparat ya'. Gw yakin kagak semua orang pade tau kalu sebenernye tuh aparat yg mereka salahin, ledek2, me di 'cengin bisa malu setengeh mati.
Gw inget waktu tempo ari pas peristiwa mbah priok. Nah kan ada tuh petugas satpol PP yang jadi korban pemukulan, digebukin, ditendangin, dibacok, ditimpukin, bahkan ampe ada yg mati. Kebayang ga ma tu orang2 kalu petugas yg jadi korban ntu juga org kecil yg ga punya duit. Die cuman nurutin perintah atasannye doang, masa die ampe mati gitu...?? gw yakin yg bunuh tu org pade masuk neraka semue.. biarpun niatnye belain makam keramat (wali). Tau ga tuh kalu ternyata yg jadi korban juga jemaah mesjid mbah priok...?? klu ude bgini sape coba yg tanggungjawab..? na yang diatas cuma bise ngomong dukacita doang. muke gile pade.....
Nah sekarang orang pajak nyang jadi sasaran. Orang bilang si enak jadi orang pajak, digaji dah tinggi, dah jadi orang kaya. Nyatanya...? ga semua org pajak jadi kaya. Yang kaya mah teuteup aje yg jadi pejabatnye. Kasus gayus bener2 bikin instansi pajak remuk, semuanye kena getahnye. Mungkin belon banyak yg tau kalu index korupsi di Indonesia jadi naek, salah satunya ya peran dari reformsi di dirjen pajak. Coba dah sekali-kali maen ke kantor pajak, trus tanya2 ama yg ngurusin pajak disitu (WP). bandingin pelayanannya ama instansi pemerintah yg laen, jauuuu....h lebi bae sekarang. Petugas pajak sekarg byk yg muda2, dinamis, kreatif, familiar, ga mata duitan lagi.
Emang si banyak juga yg ga suka ama program reformasi Dirjen pajak, soale sekarg ga banyk lagi ptugas pjk yg mao di nego in. Tapi susahnya ya itu, susah2 ngebangun sistem yg bener, gara2 kasus atu dua, jadi (seolah-olah) semuanye jadi brantakan. Ga cuman yg di jakarta, hampir seluruh petugas pajak se indonesia kena getahnya. Kenanya macem2, mulain dari dikatain koruptor, makan duit rakyat, kerja ga becus, makan gaji buta, keteraluan (udah digaji gde tetep korup), bahkan ade petugas pajak yg anaknya ga mau sekolah gara-gara temen2 sekola nya ngatain bapaknya koruptor.
Seharusnya si orang ga boleh melihat masalah cuman dari sebelah sisi doang. Cari dong info knape bgini kenape begitu, apa iye kaya gitu..? nah nni kaga'. maen nyangkain aje kalu "ORANG PAJAK KORUPTOR SEMUA", GILE SEMUA TU ORANG. Kalu orang pajak mao... bise aje pade mogok kerja, biar tau rasa pade. Biarin aje penerimaan negara kga ade nyang ngurusin, biarin aje PNS pade kga di bayar (secara, mereka dibayr pke duit pajak), biarin aje anggota DPR kga gajian, kaga plesiran, biarin aje rakyat sakit kga ade yg ngurusin, biarin aje negara ini bangkrut ga pnya duit, biarin aje jalanan rusak kga dibetulin, biarin aje subsidi sekolah dicabut, biarin aje subsidi BBM brenti. MANG PADE MAO BEGITU...? BUBARIN SEKALIAN DIRJEN PAJAK.
Sape tuh yang katanya ngaku2 asosiasi pembayar pajak? emang die ngewakilin sape? rakyat yg mane? bayar pajak dah pade bener belon? semuanye ngerasa bener sndiri.... mang ngurusin negara ga pake duit...? negara maju aje penerimaan terbesarnya dari pajak.... PADE TAU KAGA LUH..??
Anggota dewan juga tuh ( yg katanya terhormat, tapi sering bolos ma tidur mulu..), ada ga jaminan kalu mereka dah ngurusin pajak en bayar pajak pade bener? kalu lu mao tau.... banyak anggota dewan n pejabat yg baru punya NPWP pas ude jadi pejabat.... Ntu NPWP juga ga tau dipake ape kaga. jangn2 cuman formalitas doang.
Kesel nih gue....
Ada lagi ni, ada gitu orang yg minta berkas wajib pajak semau-maunya.... ape die ga ngeh kalu data wajib pajak ntu rahasia? logikanya, mang dia mau klu berkas pajak dia diubek2 orang laen...?? ngha ngha ngha... padahal di UU KUP yg terakhir die yg bikin, baca dong pasal 34 nya. Na die yg bikin, die juga yg mao ngancurin. kayanya pas lagi ngebahas UU, Banyakan pade tidur ngkali yee... tapi gaji mah jalan terus (malah minta tambahan mulu)..
Uda ah, mengkin dibahas mengkin eneg gw...
