Masih ingat berita penangkapan John Kei? musti inget doong..... katanya si die salah satu pentolan preman di jakarta. Nah.... kite ga ngebahas ntu orang. Jadi beginih, kmaren ahad ane pegi ke Islamic Book Fair (IBF) atawa Pameran buku islam lah. Acaranya kan ada di Istora Senayan tuh... secara ane pan nunggung motor kesono ame bini ane. Nyampe sono pan, pas masuk area musti bayar parkir.... dua rebu perak pake tiket. Trus kita jalan lagi ke lokasi pameran di gedung Istora. Nyampe sonoh, kite parkir dah di tempat motor. Abis ntu, ane jalan dah ame bini keliling sambil nyari2 buku nyang mo di beli. Dah kelar, ane pulang kan. Nah pas keluar parkir, ane bayar lagi parkir, kaga' tanggung-tanggung...... 3000 ( tige rebu perak ). Nah ni orang berani2 nye mintain duit kaga' pake kuitansi kaga pake ape, mane lebi mahal daripade parkir resmi. Emang dasar preman da ah. Ati si dongkol be'eng, cuman bise ape kite.
Cuman mikir, pade kemane aparat kite, pemda, pengelola senayan? mahal2 kite bayar dari APBN, begituan aje ga bisa ngurusin. Masa aparat kalah ame preman coro' gitu...... jadi ancur juga nih, pamerentah kalah ame preman, kalo gitu angkat aja sekalian ntu preman2 jadi keamanan, biar tamba ancurrr.....
Tidak ada komentar:
Posting Komentar