SHUBUH KONTEMPLASI

18 Ramadhan 1435 H/16072014.

Bener ape kaga’, judul diatas memang agak janggal dari segi kosakata. Abis belom ketemu istilah yang ngepas buat ngegambarin suasana perasaan waktu subuh tadi pagi. Bukannya ga konsen waktu sholat. Ntu kepikiran justru pas selesai sholat. Kga tau knape, ntu pikiran nyantol pas ngeliat pakean yang di pake jamaah. Ada yg pakeannya cakep, rapi, bersih, wangi pula. Ada juga yang keliatan kusem, ga disetrika, warna ga mecing ( match), pokoknye ga enak diliat dah.Trus ngebayangin, sebenernya islam kaya gimane sih. Apa iye, kalo sholat cukup pake pakean sekedarnya doangan, ape musti rapi jali kaya mo kondangan..?

Kayanya si ada yang salah ye, masa iye islam yang rahmatan lil’alamin. Umatnya keliatan kucel ga terawatt..? keliatan banget kaga punye duitnye… kan kontras ame konsep islami, jauuuuuh banget. Apa iye islam ngelarang umatnya punye duit banyak? Punye pakean cakep, wangi, kendaraan keren? Kan ngga ye.

Kan rejeki ade dimane aje…. Kaga use yg jauh jauh. Yg deket aje… kaga useh mikirin kerja di perusahaan gede trus digaji gede juga. Nni jakarte bang, semuanye bise jadi duit. Palagi ni deket ame pasar, ibaratnye (kata Haji lulung..) ngeludah aje jadi duit. Kayanye emang materi pengajian yang musti divariasiin lagi nih. Jangan cumin ngebahas fikih mulu, ujung2 nye beda pendapat trus ribut ame muslim yg laen.

Coba pikiran eh pikirin. Ditiap rumah muslim biasanya ade Qur’an, nah ntu aje dipelajarin, hapalin, cakepin bacaannye, ngertiin artinya, apalagi ampe ngertiin tafsirnye. Modal gitu aje, insya Allah rejeki ga bakal susye… nih inget-inget, berapa banyak orang yang hafal qur’an dilingkungan kite, yang bacaannye cakep, enak didenger, yang ngerti artinye…? Yakin ane, jumlahnye bise diitung ame jari tangan…. Dari pengalaman orang2 yg manfaatin qur’an ntu, mereka ga susye rejekinye… ada aje.

Ntu artinye jual ayat? Komersilin ayat? Woy-woy-woy ntar dulu….. kite cuman ngehargain kelebihan ntu orang2. Kan seneng dengerin orang ngaji suaranye merdu, hafalannye banyak, ngerti artinye. Apalagi kalo bisa ngajarin orang..

Udeh dulu ye…. Cuman ngingetin kalo Allah swt ga bakalan nyi-nyiain hambanya yang mmbela agamanye. Ga bakal Allah bikin kelaparan, susye, menderita. Ga bakal ga bakal ga bakalan…. Sumpe dah….